Лука Дончиќ имаше уште една одлична партија, му недостасуваа само две асистенции за нов трипл-дабл, но секако беше најдобар во составот на Далас за победа над Оклахома од 121:114.
По два порази, Далас им се врати на победите откако на свој терен ја совлада Оклахома. Триумфот беше остварен благодарение на извонредната втора четвртина која домаќините ја добија со 43-24.
Лука Дончиќ беше главен во победата, постигна 38 поени, имаше 11 скокови и осум асистенции. Но Словенецот не беше најефикасен на мечот, повеќе поени од него постигна Жилжус-Александер од Оклахома, тој реализираше 42 поени, но тоа не беше доволно за неговиот тим да го избегне поразот.
Резултати:
Индијана – Мајами 82:87
Вашингтон – Бруклин 100:112
Мемфис – Атланта 128:103
Далас – Оклахома 121:114
Сан Антонио – Кливленд 112:111
Портланд – Минесота 133:112
ЛА Клиперс – Бостон 113:93
