Фудбалската година во Шкотска започна со култното глазговско дерби „Олд Фирм“ кое заврши без победник меѓу Ренџерс и Селтик (2-2).
Маеда го израдува Селтик во Глазгов со гол за 1-0 по само пет минути игра, додека Ренџерс направи пресврт на стартот на вториот дел.
По неколку неискористени шанси во првото полувреме, Ренџерс преку Кент во 47. минута израмни на 1-1, а шест минути подоцна стрелаше за 2-1 преку Таверние.
Селтик се обидуваше да стигне до израмнување и тоа му успеа дури во завршницата од дуелот, односно 88. минута кога Јапонецот Фурухаши погоди за 2-2.
Селтик останува лидер со 55 бодови, додека Ренџерс е втор со девет бода помалку.
