Барселона и Реал Мадрид ќе играат во финале на Суперкупот на Шпанија што се игра во Ријад, Саудиска Арабија. Барса после изведување на пенали дојде до победа против Бетис (4-2). Натпреварот и после продолженијата заврши нерешено 2-2.

ВАР на Барса ѝ поништи два гола поради офсајди, а Бетис на двапати успеа да се врати но во пенал-рулетот загубија. Хуанми и Вилијам Карвалјо промашија, а Каталонците стигнаа до финален меч, откако Роберт Левандовски, Франк Кеси, Ансу Фати и Педри реализираа од белата точка. Вилијан Жозе и Морон погодија за Бетис.

ВАР го поништи голот на Педри во 23-та, Левандовски донесе водство за Барса во 40-та, по што Набил Фекир изедначи во 77-та. Левандовски вторпат погоди на девет минути пред крајот, но ВАР вторпат реагираше за офсајд и натпреварот отиде во продолженија. Ансу Фати во 93-та донесе второ водство за Барса, а Морон израмни во 101-та.

Реал Мадрид вчера со 4-3 на пенали ја елиминира Валенсија после 1-1 по 120 минути игра.