Барселона го освои Суперкупот на Шпанија откако во Ријад го декласира лутиот ривал Реал Мадрид со 3-1. Чави успеа да го надмудри Карло Анчелоти, кој имаше неверојатен ефект на победи на финални натпревари во кариерата, досега немаше пораз во финале.

Гави во 33.минута го отвори резултатот, а Роберт Левандовски пред истекот на првото полувреме зголеми на 2-0.

Третиот гол за Барселона беше дело на Педри во 69.минута, а „кралевите“ дојдоа до почесен погодок во судиското продолжение кога стрелаше Карим Бензема.

Фудбалерите на Барселона триумфираа во шпанскиот Суперкуп, кој викендов се играше во Саудиска Арабија, откако во вечерашното големо финале неочекувано лесно го растурија Реал Мадрид (3-0).

Роберт Левандовски и Гави завршија најголем дел од работата уште во првото полувреме и тоа во последните 15 минути од овој период, откако постигнаа по еден гол на кој еден на друг си асистираа. Прв погоди Гави во 33. минута на додавање на Полјакот, кој потоа умешно искористи негово маестрално додавање во 45. минута. Точка на средбата стави Педри во 69. минута, а Карим Бензема во третата минута од судиското продолжение го постави конечниот резултат.

Претходно, во полуфиналните пресметки, Барса го совлада Бетис (3-2), а Реал М. Беше подобар од Валенсија (2-1) дури по продолженија.