Арсенал ќе го ангажира италијанскиот репрезентативец од Челзи, Жоржињо, и тој ќе се пресели на „Емирати“. Англискиот премиерлигаш постигна договор со градскиот ривал Челзи за трансфер на Жоржињо. Лидерот во Премиер лигата го договори Бразилецот кој игра за италијанската репрезентација и ќе остане на „Емирати“ до јуни 2024 година, што значи дека договорот е на една и пол сезона.

Актуелниот договор на Жоржињо со Челзи истекуваше за шест месеци, но овој тим успеа да го продаде и да заработи 12 милиони фунти. Ако не го продадеше до крајот на денот, Жоржињо ќе останеше на „Стемфорд бриџ“, а потоа во летниот преоден рок ќе си заминеше без пари.