Фудбалерите на Херта ја совладаа Борусија Менхенгладбах со 4-1 во 20. коло од германската Бундеслига за нови три бода многу  важни во трката за опстанок.

Борусија постигна гол за водство во 17. минута преку Елведи, но Херта до крајот на првото полувреме израмни преку Нганкам, а пресвртот беше комплетиран во вторите 45 минути.

Херта постигна гол за пресврт во 51. минута преку Дардаи, а во судиското надополнување паднаа уште два гола преку Шерхант и Лукебакио.

Борусија останува на 10. место со 26 бода, додека Херта има 17 бодови на 16. позиција, односно два помалку од безбедната зона.