Новак Ѓоковиќ не е непобедлив, го доживеа првиот пораз во 2023 год. во полуфиналето на турнирот во Дубаи против Русинот Данил Медведев  со 0-2 во сетови, односно 4-6 и 4-6.

Дуелот беше израмнет во првите четири гема (2-2), по што Русинот направи два брејка со кои стигна до 4-2. Ѓоковиќ успеа да врати еден брејк и да намали на 4-5, но немаше сила за повеќе, па првиот сет му припадна на Медведев (6-4).

Ѓоковиќ имаше ужасен почеток на вториот сет бидејќи го загуби првиот гем на свој сервис, по што Медведев сервираше одлично  и со 6-4 обезбеди финале.

Медведев во финале ќе игра против сонародникот Андреј Рубљов, кој претходно беше подобар од Александер Зверев со 2-0 во сетови.