Атлетико Мадрид ја понижи Севилја, до врв ја наполни мрежата на Андалузијците, за триумф со 6-1 и трето место во Ла Лига, искористувајќи го киксот на Реал Сосиедад, кој сега падна на четвртата позиција.

Мадридските црвено-бели, кои триумфираа третпат во последните четири меча на Севилја ѝ покажа дека сезонава е очајна и дека ќе стравува за опстанок  до последно коло.  Мората и Мемфис Депај постигнаа по два гола, а Гризман и Караско по еден за триумфот.

Сѐ почна на средина од првиот дел кога Депај за три минути даде два гола (23-та и 26-та), а Мароканецот Ен Несири намали во 39-та, но мадриѓаните во вториот дел дадоа уште два, прво Гризман во 53-та, па Караско во 69-та. Иван Ракитиќ промаши пенал за Севиља на 16 минути пред крајот, па Мората ја доврши работата со два гола во десет минути (76-та и 86-та).

Севилја со овој 11-ти пораз остана на само 25 бода колку што има и Алмерија над опасната зона, но само еден од загрозениот Валјадолид, а два од Валенсија кои се дел од позициите што водат во Сегунда.