Манчестер Сити дојде до минимална победа (0-1) на гости кај Кристал Палас и е на само два бода негатива во однос на лидерот Арсенал на врвот на табелата во Премиер – лигата. „Граѓаните“ не блескаа на овој меч, но сепак, успеаја да освојат три бода.

„Граѓаните“ доминираа на теренот во првото полувреме и дури осум пат се заканија кон голот на Гуаита, но мрежата на Кристал Палас остана да мирува.

Голот за победа и три бода го постигна Халанд во 78. минута од пенал, кој воедно стигна до 28. погодок во Премиерлигата.

Екипата на Пеп Гвардиола по 27 одиграни меча има 61 бод на второто место, односно два помалку од Арсенал.