Рајо Валјекано се наоѓа во голема резултатска криза и полека испаѓа од трката за позициите кои водат во европските натпревари. Екипата на македонскиот голман Столе Димитриевски доби нов удар откако вечерва беше поразена со 0-3 од Селта Виго.

Екипата на Димитриевски одлично се бранеше во првиот дел (0-0), но потоа следуваше распад на стартот на вторите 45 минути, откако најпрво Аспас погоди за 1-0, а потоа Цис си постигна автогол за предност од 2-0 на домаќините.

Тренерот на Рајо направи неколку измени со цел да ја врати резултатската неизвесност, сепак не успеа во тоа, а триумфот на Селта го запечати Аспас во 85. минута.

Димитриевски и соиграчите имаат 35 бода на седмата позиција во Ла Лига, додека Селта е на 11. место со 31 бод.