Манчестер јунајтед се пласира во полуфинале на ФА-Купот на Англија откако за две минути направи целосен пресврт во завршните 15 минути против Фулам и дојде до победа со 3-1 па им се придружи на Манчестер сити, Брајтон и Шефилд јунајтед во завршната битка за трофејот.

Фулам пет минути по стартот на вториот дел дојде во водство со голот на српската ѕвезда Александар Митровиќ, а потоа лондончани останаа без двајца фудбалери, Вилијан и Митровиќ во 72-та минута, па тоа го искористија „црвените ѓаволи“.

Бруно Фернандеш во 75-та од пенал даде гол за израмнување, Марсел Сабицер погоди во 77-та за комплетен пресврт и шест минути во надополнувањето, Фернандеш со втор гол само стави печат на победата.