Интер и по репрезентативната пауза, продолжи во Серија А – со порази. Трет последователен пораз за „нероаѕурите“ откако Фиорентина успеа да слави на „Џузепе Меаца“ со 0-1.

Поранешниот „миланист“, Џакомо Бонавентура, во 53.минута успеа да го совлада Андре Онана и донесе предност за „виолетовите“. Тоа на крајот се покажа и како конечен резултат на овој натпревар.

Екс-италијанскиот првак Интер го доживеа четвртиот пораз во последните пет меча, па сега ривалите во трката за ЛШ имаат шанса да го прескокнат или бодовно да се израмнат со миланскиот гигант.

Во ревијата на промашувања најмногу се избламира Лукаку, кој успеа и празна мрежа да промаши од два метри, а таа утка четири минути подоцна ја казни Фиорентина, откако Џакомо Бонавентура погоди во мрежата на Интер по одбиената топка од Андре Онана.

Интер имаше шанси да победи, Баерла погоди и дирек, но сѐ што создадоа домаќините, успеаа да го промашат, иако и Фиорентина имаше свои шанси кои не ги реализира, па со 40 бода на контото остануваат во трката за Европа.