Фудбалерите на Севилја го остварија третиот триумф во последните четири меча во Ла Лига, откако денеска на домашен терен беа подобри од Вилјареал со 2-1.

Рафа Мир во 34. минута погоди за водство на екипата од Андалузија, по што Џексон стрелаше за 1-1, но неговиот погодок беше поништен од ВАР-системот поради офсајд.

„Жолтата подморница“, сепак, до израмнување доаѓа во 57. минута преку Торес, но Ен Незири во 94. минута со глава ја затресе мрежата на гостите за триумф на Севилја од 2-1.

Севилја има 38 бодови на 12. место во Ла Лига, додека Вилјареал остана шести со 47 бода.