Уругваецот Луис Суарес има 36 години, но во дресот на бразилскиот клуб Гремио ја доживува втората фудбалска младост. Уругвајскиот репрезентативец е вистински носител на играта во бразилскиот тим, а тоа го потврди и во победата над Интернасионал од 3:1.

Токму Суарес беше фудбалерот кој го најави триумфот на Гремио откако погоди за 1:0 само по седум минути игра. Суарес доби една топка и иако беше опкружен со неколку противнички фудбалери, успеа да се ослободи и да шутира од далечина, постигнувајќи фантастиен гол.