Фенербахче победи со 42 поени разлика на првиот натпревар од полуфиналето на Суперлигата на Турција (108:66), се очекуваше контра удар на Ефес на теренот на Фенер во Истанбул. На „Улкер Арената“ во последните 100 секунди беше права лудница, се случија неверојатни пресврти. Ефес дојде до победа со 92:90 и тоа со тројка со звукот на сирената.

На 27 секунди пред крајот, кошаркарот на гостите Вил Клајбурн погоди тројка и зголеми на 92:82 за Ефес. Фенер успеа да направи неверојатен пресврт и магично ja стопи предноста на противникот, а со забивањето на Најџел Хејс-Дејвис го сврте резултатот на 90:89. Но тоа не беше се, Клајбурн доби топка и шутна од далечина и ја погоди својата четврта тројка во последните 110 секунди за конечни 92:90.

Тренерот на Фенер, Димитри Итудис збесна по кошот на Клајбурн и ја фрли таблата со тактика погодувајќи го својот помошник. Потоа замина кон тунелот и не се поздрави со својот колега Ергин Атаман.

Фенербахче и Анадолу Ефес ќе водат жестока битка во полуфиналето од плејофот во борба за трофејот.

Пласман во финалето ќе обезбеди тимот кој прв ќе стигне до три победи.