Ориол Ромеу се враќа во Барселона по 12 години

Шпанскиот весник АС објавува дека фудбалерот Ориол Ромеу од Жирона ќе биде нов играч на Барселона на позицијата дефанзивен играч за врска.

32-годишниот фудбалер потекнува од фудбалската академија на Барселона, а пред 12 години дури стигна и до првата екипа и одигра девет минути во првенството, но беше дел и од екипата која настапи на Супер куп дуелот против Севиља.

Тогаш младиот Ромеу направи трансфер во Челзи вреден 4.6 милиони евра, а со клубот од “Стемфорд Бриџ“ ја освои и Лигата на шампионите. Најголем дел од својата кариера ја мина во Саутемптон, каде се задржа цели седум сезони, а минатото лето се врати во Шпанија во дресот на малиот каталонски клуб Жирона.