Раководството на Барселона покрај обидите да формира респектабилен тим за следната сезона и покрај финансиските проблеми кои ги следат неколку години наназад, прави  обид да обезбеди светла иднина поради што се наоѓа пред потпис со еден од најталентираните фудбалери од средниот ред во светот во моментов.

Се работи за 16-годишен германски фудбалер, Ноа Дарвих, кој веќе е дел од првиот тим на Фрајбург. Според добро информираниот новинар Фабрицио Романо, договорот е веќе постигнат и само прашање е на денови кога тој ќе стапи на сила.

Дарвих се уште нема одиграно натпревари во сениорска конкуренција, но се очекува веднаш да биде приклучен на вториот тим на Барселона, каде би го собирал потребното искуство. За себе има 16 настапи за У-17 репрезентацијата на Германија, за која постигна пет голови.