Капитенот на македонската фудбалска репрезентација Стефан Ристовски  ја шокираше фудбалската јавност. Вчера објави крај на репрезентативната кариера со обраќање до јавноста во која потенцира дека се одлучил на овој потег поради несогласувањата со сѐ уште актуелниот селектор Благоја Милевски.

Ристовски во обраќањето на социјалните мрежи посочува дека работите во националниот тим одат во погрешен правец, а и покрај укажувањата кон селекторот за сѐ што се случува во и околу националниот тим, работите не се сменети.

Ристовски деценија и пол е репрезентативец, стандарден десен бек, кој ја наследи капитенската лента по пензионирањето на Горан Пандев по ЕУРО 2021.