Атински АЕК со пресврт во второто полувреме го победи Динамо Загреб на негов терен со 2-1, па хрватскиот шампион ќе има тешка мисија во Атина.

Нашиот Стефан Ристовски и Динамо Загреб не успеаа да ја искористат предноста на домашен терен, го загубија првиот меч од АЕК, па ќе бркаат негатива на реваншот во Атина за четири дена.

Динамо Загреб поведе во 39. минута со прекрасен гол од слободен удар на Марко Булат, со тој резултат се замина на одморот, но работите се променија во вториот дел.

https://twitter.com/zporhub/status/1691527254138925057?s=20

Во 59. минута Зубер изедначи на 1-1 по една лоша интервенција на одбраната на Динамо Загреб.

https://twitter.com/zporhub/status/1691532941350895616?s=20

Кога се чинеше дека тоа ќе биде конечниот резултат, АЕК даде уште еден гол. Галанополус погоди во 90. минута за победа на грчкиот тим од 2-1.

https://twitter.com/zporhub/status/1691539733380231169?s=20

Заврши и бајката во Лигата на шампионите на тимот од Фарските острови Клаксвик кој дури по продолженијата загуби од Молде. Но се префрлуваат во плејофот за пласман во Лига Европа.

Галатасарај со гол на Икарди со 1-0 ја совлада Олимпија Љубљана и со вкупни 4-0 оди понатаму.

Брага ја прегази Бачка Топола и на реваншот во Србија. По првите 20 минути португалскиот тим беше фуриозен, водеше со 4-0, потоа се задоволи од постигнатото. Конечниот резултат беше 4-1 за нив,  а вкупно 7-1 за Португалците.