Македонскиот таеквондист Дејан Георгиевски освои златен медал на Г1 турнирот Тирана Опен, во Албанија. Овој златен медал е многу значаен кон остварувањето на една голема цел, а тоа е олимписка норма за Георгиевски и пласман на ЛОИ во Париз следната година.

Дејан Георгиевски  беше доминантен против Александар Филипов од Израел и Ел Омар од Франција, и двата дуели ги доби со по 2:0.

Таеквондистот донесе голема радост за Македонија на претходните Олимписки игри, кога донесе сребрен медал за нашата земја.