(ВИДЕО) Лас Палмас ја прекина победничката серија на Атлетико Мадрид

Атлетико Мадрид пропушти голема шанса да се израмни со водечкиот тандем Реал-Жирона бидејќи загуби на гостувањето кај Лас Палмас со 1-2.

Мадридскиот тим ја прекина серијата од шест победи по ред во домашното првенство и го доживеа вториот пораз во сезоната, по оној од Валенсија кон средината на септември. Лас Палмас продолжи со одличните резултати и ја оствари чевртата победа во последните пет кола.

Екипата на Диего Симеоне очекуваше седма победа во низа, меѓутоа доби тежок удар на незгодното гостување на Канарските Острови. Првото полувреме беше тврдо, а прашањето околу резултатот се реши во вторите 45 минути.

Лас Палмас дојде до водство во 50. минута преку Кириан и го најави триумфот, Бенито Рамирез во 75. минута зголеми за 2-0 за домашните, а поразот на „јорганџиите“ го намали Алваро Мората.

Лас Палмас со оваа победа се искачи на деветтата позиција со 17 бода, додека Атлетико е при врвот, но со можност да направи чекор назад со најдобрите екипи во Шпанија.