Рускиот тенисер Данил Медведев триумфираше со 2-0 во дуелот со сонародникот Андреј Рубљов во својот воведен меч на завршниот Мастерс во Торино.

За 96 минути игра, третиот светски рекет славеше со 6-4 и 6-2, не дозволувајќи му на својот голем пријател и кум да се надева на евентуален триумф. Рубљев се држеше до средината на првиот сет кога првпат загуби гем на свој сервис, а потоа имаше три прилики да го врати, но не успеа. И при водство на 5-4 за Медведев, Рубљев имаше брејк-топки и тоа четири, но и тогаш беше деконцентриран во клучните моменти и неговиот ривал поведе со 1-0.

Во вториот сет Медведев на стартот направи брејк, потоа поведе со 5-1 и по само осум гема дојде до вториот сет и триумфот. Рубљов ќе има можност за поправен во второто коло против Зверев, додека Медведев ќе се сретне со Алкараз.