Напаѓачот на Рома, белгискиот голгетер Ромелу Лукаку имаше фантастична партија за белгиската репрезентација, за 20 минути во првото полувреме против Азербејџан постигна четири голови.

Ромелу Лукаку приреди 20-минутно шоу на дуелот меѓу Белгија и Азербејџан. Од 17. до 37. минута тој постигна четири голови.

Белгискиот напаѓач дојде до својот 83. гол во репрезентацијата на Белгија. Има само еден помалку од легендарниот Ференц Пушкаш.

Прашање на време е кога ќе го надмине унгарскиот ас Пушкаш, а потоа само Роналдо ќе остане пред него како европски фудбалер со најмногу голови за репрезентација.

Белгија го освои првото место во групата Ф откако го победи Азербејџан со 5-0 на домашен терен. Ромелу Лукаку беше незадржлив и постигна четири гола во првото полувреме, а потоа беше заменет. Последниот гол за Белгијците беше дело на Леандро Тросар.

Шведска ја совлада Естонија со 2-0, но одамна ги загуби шансите за пласман на ЕВРО 2024. Клаесон и Форсберг беа стрелци на головите за Швеѓаните.