Екипата на АЕК Ларнака вечерва триумфираше со 2-1 против Докса во 16. коло од кипарскиот шампионат, а на дуелот настапија македонските интернационалци Иван Тричковски, Душко Трајчевски и Дамјан Шишковски.

Наби од пенал во 10. минута им донесе водство на гостите, додека АЕК Ларнака до пресврт дојде дури во второто полувреме.

Гама најпрво во 60. минута погоди за 1-1, а потоа Тричковски доби одлична топка во казнениот простор на Шишковски и без проблеми го матира за конечни 2-1.

Ова е трета победа по ред за АЕК со која се искачи на шестото место и има 29 бодови, односно шест помалку од АПОЕЛ, додека Докса е последна со само четири бода.