Стадионот ќе биде изграден за потребите на Светското првенство во 2034 година, кое треба да се одржи во оваа блискоисточна земја. Ќе има капацитет од 45.000 седишта и ќе го носи името на принцот Мохамед бин Салман.
Денес беше претставен концептот на овој стадион. Инвестициската компанија „Киддија“, која е задолжена за изградба на стадионот, нагласува дека зградата ќе има покрив и терен што ќе се повлекува и извлекува по потреба, како и стотици метри ЛЕД ѕид.
ЛЕД ѕидот е дизајниран да отвори поглед на градот долу.
Инвестициската компанија Qiddiya (QIC) е во целосна сопственост на Саудиска Арабија, односно Фондот за јавни инвестиции управуван од самиот Бин Салман. Истиот фонд е сопственик на англискиот премиерлигаш Њукасл.