Екипата на Интер Мајами претрпе минимален пораз на подготовките за новата сезона откако во Ријад загуби од лидерот во саудиското првенство Ал Хилал со 3-4.
По ремито без голови и поразот од 1-0, тимот од Флорида барем почна да постигнува голови и тоа на крилјата на првите две ѕвезди во екипата Лионел Меси и Луис Суарез. Ал Хилал водеше со 2-0 благодарение на головите на Митровиќ и Ал Хамдан, Интер Мајами намали преку Суарез, а Ал Хамдан ги доведе домаќините во водство од 3-1.
Во продолжение се разбуди Меси кој прво погоди од пенал, а потоа му асистираше на Руиз за 3-3. Голот за победа на домашниот тим го постигна Малком во 88. минута.
Ова беше генерална проба за Интер Мајами за дуелот против Ал Наср на Кристијано Роналдо кој се игра во четврток во 19 часот во Ријад.
