Кариоките претрпеа уште едно фијаско, бидејќи Аргентина со еден гол за победа му го украдоа олимпискиот билет за Париз.

Големиот Бразил претрпе уште еден тежок удар. Олимписката репрезентација на „кариоките“ нема да игра на фудбалскиот олимписки турнир во Париз во јули и август годинава, откако заврши на третото место во олимписките квалификации во Каракас.

Во директен дуел Бразил и Аргентина одлучуваа за едно место кое води во Париз, а Парагвај и домаќинот Венецуела да играат за второто место. Со оглед на тоа што се играше мини-турнир на четирите селеции, на Бразил му одговараше и реми, бидејќи во пресметката влезе со бод повеќе од Аргентина.

Натпреварот, како секое „Супер-класико“, беше тензичен и без многу убавина. Единствениот гол, кој донесе победа од 1-0 (0-0) на „гаучосите“ го постигна Лусијано Гонду, на додавање на Валентин Барко. Иако играа со многу млади супер-ѕвезди и новиот ас на Реал Мадрид, Ендрик, Бразилците не постигнаа гол за израмнување и завршија на третото место во групата.

Аргентинците ќе патуваат во Париз, каде селекторот Маскерано може да носи и тројца сениорски репрезентативци, надвор од У23 ростерот, а шпекулациите во Аргентина се дека двајца кои ќе добијат повик се ветераните Ди Марија и Меси.

Вториот патник на Олимписките игри е селекцијата на Парагвај која ја совлада Венецуела со 2-0.

Парагвај со седум бода го освои првото место во групата, Аргентина е втора со пет бода. Овие две селекции одат на Олимписките игри. Бразил ја совлада само Венецуела, а тоа не беше доволно за учество во Париз.

Ова првпат од 2004 година Бразил да не се пласира на Олимписки игри.