Фудбалерите на Брајтон им се вратија на победите во Премиер лигата и во 25. коло славеа на гостувањето кај „фенерџијата“ Шефилд Јунајтед убедливи со 0-5.

Избраниците на Роберто Де Зерби имаа многу повеќе од играта и водеа со 0-2 уште по првите 45 минути, а стрелци на головите беа Буонаноте и искусниот Дани Велбек, кои погодија во рок од само четири минути.

Домаќинот остана со фудбалер помалку уште во 13.минута поради исклучувањето на Мејсон Холгејт, а Брајтон тоа знаеше како да го искористи.

Буонаноте во 20.минута донесе предност за гостите, а Велбек четири минути подоцна зголеми на 0-2.

Робинсон во 75.минута си даде автогол и дилемите околу победникот беа решени, а до крајот Сајмон Адингра на двапати беше стрелец за конечни 0-5.

Брајтон сега има 38 бода на седмата позиција, додека Шефилд Јунајтед полека се подготвува за преселба во Чемпионшип и останува на само 13 освоени бодови.