Реал Мадрид потешко од очекувањата извојува триумф над цврстата екипа на Севиља, со минимални 1-0  во 26. коло од шпанската Примера. „Кралевите“ долго се мачеа против мотивираниот тим од Андалузија, но на крајот успеаја да ги израдуваат фановите на „Сантиаго Бернабеу“.

 

 

Првото полувреме не понуди премногу возбудувања, иако Реал имаше еден поништен гол во 10. минута. Лукас Васкез ја погоди гостинската мрежа, но голот беше поништен поради претходен прекршок на Начо над Ен Несири. Во вториот дел фудбалеритена Анчелоти заиграа поофанзивно, но долго не успеваа да ја скршат гостинската одбрана. Имаше шанси и на двете страни но сепак мрежите мируваа.

 Стрелец на победничкиот гол за „кралевите“ беше Лука Модриќ во 81.минута од дуелот.

Реал долго не можеше да го скрши отпорот на гостите, па италијанскиот стратег во игра го уфрли Модриќ на местото на Начо во 75.минута. Само шест минути подоцна, Хрватот изведе велемајсторски потег на натпреварот и постигна гол со шут од 20 метри.

Севиља останува на петнаесеттото место со 24 освоени бодови, додека Реал Мадрид стигна до 65. бод сезонава и сега има предност од осум бодови пред Барселона и девет повеќе од Џирона, која има и меч помалку.