Шпанскиот гигант Реал Мадрид беше пред пораз на дуелот со Валенсија, а на крајот беше тешко оштетен кога судијата отсвира крај, една секунда пред Белингем да го даде голот за победа. Реал Мадрид одигра 2-2 против Валенсија на „Месталја“, но главниот судија Манзано е во центар на вниманието затоа што им прекина акција на „кралевите“ на една секунда пред голот на Белингем за 3-2.

Само секунда откако Хил Манзано означи крај, Брахим Диаз центрираше, а Џуд Белингам постигна гол со глава за 2-3. Сепак, крајот веќе беше досуден и враќање назад немаше. Фудбалерите на Реал Мадрид го обиколија судијата, протестираа и повеќе од дозволеното, а Џуд Белингам заработи директен црвен картон.

Голот на Џуд Белингам по судискиот свиреж за крај на натпреарот:

Валенсија имаше одличен почеток на средбата, постигна два гола преку Дуро и Јаремчук за предност од 2-0, додека Винисиус во судиското надополнување на првиот дел во 50 мин. намали на 1-2.

Бразилецот од редовите на Реал постигна и втор гол во 76. минута од сомнителна ситуација, по што вистинска драма се случуваше во завршницата од дуелот.

„Кралевите“ се обидуваа да стигнат до трет гол и секунда пред да го постигнат, судијата неочекувано реши да стави крај на натпреварот, иако веднаш потоа Џуд Белингам ја затресе противничката мрежа.

Овој потег на судијата предизвика нервоза кај гостинскиот состав, но и покрај протестите, резултатот остана 2-2.