(ВИДЕО) Грузија во пенал рулет ја совлада Грција и за првпат се пласира на ЕП

Фудбалската репрезентација на Грузија ќе игра на Европско првенство, откако во финалето од плејофот, ја победи Грција на пенали со 4-2.

По 120 минути игра немаше голови, а дополнителен проблем беше тоа што во продолженијата се повреди најдобриот грузиски фудбалер Квича Кварацкелија.

Селекциите мораа да решаваат преку пенали, а Мамардашвили го одбрани првиот пенал на капитенот на Грција, Анастасиос Бакасетас.

Грузијците возвратија откако Георгес Микаутадзе не го реализира ударот во третата серија, но во четвртата не погоди и Георгиос Јакумакис.

Историскиот пенал за Грузија вреден пласман на Европско првенство го изведе Ника Квеквешкири, успеа да го реализира и почна лудилото во Тбилиси.

Грузија беше на чекор од деби на европските првенства и пред три години, но тогаш во баражот загуби од Македонија на домашен терен со 0-1.

На Европското првенство, репрезентацијата на Грузија ќе биде во групата Ф, со Турција, Португалија и Чешка.