Екипата на Аталанта со неверојатни 3-0 на гости го нокаутира тимот на Ливерпул, а гостински триумф оствари и Рома која со 1-0 го совлада Милан на Сан Сиро.
Ливерпул е пред елиминација од Лига Европа откако пред своите навивачи доживеа тежок дебакл од Аталанта.
Подвигот на Аталанта го најави Скамака со гол во 38. минута, истиот фудбалер беше стрелец и во 60. минута за 2-0.
Победата од 3-0 за Аталанта ја запечати Пашалиќ со гол на седум минути до крајот.
Победнички од гостување си оди и Рома која со 1-0 го совлада Милан на Сан Сиро. Манчини во првото полувреме беше стрелец на единствениот гол.
Баер Леверкузен со голови на Хофман и Бонифаце во финишот од натпреварот го победи Вест Хем со 2-0.
Бенфика со 2-1 го совлада Марсеј. Рафа Силва и Ди Марија ги постигнаа головите за португалскиот тим, Обамејанг беше стрелец за гостите.
