Лидерот во Лига 1, ПСЖ одигра само нерешено против Ле Авр (3-3) на домашен терен, но и тоа беше доволно за да дојде на чекор до нова шампионска титула во француското првенство.

Всушност, „светците“ веќе можат и да слават бидејќи имаат 12 бода предност пред второпласираниот Монако кој има меч помалку. Дури и ПСЖ да загуби се до крајот, а Монако да победи на преостанатите четири меча, двете екипи би имале ист број бодови, а во таков случај се гледа гол-разликата. Тука ПСЖ е неприкосновен бидејќи има +47, а Монако само +18 што теоретски е невозможно да се стигне.

Опери во 19.минута донесе водство за Ла Авр, а возврати Баркола десет минути подоцна. Но, повторно предност за гостите обезбеди Андре Ајев со гол во 38.минута.

Абдулаје Туре од пенал зголеми на 1-3 во вториот дел, но и тоа не беше доволно за триумф.

Ашраф Хакими во 78.минута постигна погодок за 2-3, а Гонсало Рамош во судиското продолжение  во 95 минута донесе реми.