Тимот на Жирона одигра нерешено на гости кај Селта Виго (1-1) во осмото коло од Ла Лига, а македонскиот репрезентативец Бојан Миовски повторно не доби шанса и остана на клупата за резерви.

Гостинскиот тим не беше убедлив во првото полувреме, но успеа преку Ерера да постигне гол за предност од 1-0. Селта тргна офанзивно во вториот дел и конечно до израмнување стигна преку Јаго Аспас во завршницата од дуелот во 81. минута.

Жирона по осум одиграни кола е на 12. место со девет бодови, додека Селта е на деветтата позиција со 10 бода.