Македонскиот тенисер Калин Ивановски по долгата пауза од терените се врати со пораз на ИТФ М25 турнирот во Трнава.

Ивановски претрпе пораз од словенечкиот тенисер Филип Планинсек со 2-0 во сетови. Првиот сет Ивановски го загуби со 7-6 во тајбрејк, додека во вториот освои четири гема (6-4).

Пред денешниот меч Ивановски последните мечеви ги одигра лани во ноември месец на Челинџер турнирите во Јапонија, а најдобро рангиран беше кон средината на октомври 2023 година кога беше на 305-то место на АТП листата. Во овој момент се наоѓа на 928. позиција на АТП листата.

Пораз денеска запиша и Лина Ѓорческа која со 2-1 во сетови загуби на турнирот во Шпанија од домашната натпреварувачка Франкуесес дел Валес.