Дарко Чурлинов одигра 85 минути за полскиот тим Јагелонија која со убедливи 3-0 го совлада Молде и го забележа третиот триумф во КЛ од исто толку натпревари, Челси со 8-0 ја совлада Ноа.

Јагелонија ја продолжи фантастичната форма во Европа, Чурлинов беше стартер, но не беше меѓу стрелците во триумфот од 3-0.

Челси ја оствари најубедливата победа во Конференциската лига откако на „Стемфорд бриџ“ го декласира Ноа со 8-0. Тимот на Енцо Мареска немаше милост кон ривалот од Ерменија. Веќе по првите 45 минути, Челси имаше фантастична предност од 6-0.

Адарабиојо го отвори резултатот, Гују зголеми на 2-0, а потоа погодија Дисади, Мудрик, Жоао Феликс двапати, а во вториот дел и Нкунку двапати.

Јагиелонија го победи Молде со 3-0, Кристофер Хансен беше двоен стрелец, а првиот гол беше дело на Афимико Пулулу.

Фиорентина загуби на гостувањето кај АПОЕЛ со 2-1, со истиот резултат Бетис го совлада Целје.