Лидерот во Примера, Барселона покажува слабости на последните дуели, па губи бодови, во претходното коло претрпе пораз од Реал Сосиедад (1-0), а вчера испушти сигурна победа во дуелот со Селта во Виго.

Барса веќе редовно игра луди натпревари со Селта, но на овој дуел имаа се под контрола 82 минути. Каталонците имаа водство со 2-0 со головите на Рафиња и Левандовски, но младиот Касадо направи глупост и заработи втор жолт картон, па беше исклучен.

Во 84 минута дефанзивецот Кунде направи катастрофална грешка, сакаше да ја врати топката до Пења, тоа го искористи Гонзалес и ја намали негативата. Настана пекол на „Балаидос“  и по две минути беше 2-2 стрелец беше Алварес, кој со одличен дриблинг го измести Форт и неколку дефанзивци на Барса, а голот беше доволен за голем бод за Селта.

Ова е прво реми во сезоната за Барса во сите конкуренцији. Четата на Флик останува на првото место со 34 бода, пет повеќе од Атлетико Мадрид.