Секогаш кога мислите дека сте виделе се во фудбалот, секогаш има нешто што ја поместува границата.
Такво нешто направи иконата на Селта, Иаго Аспас во поразот од 2:1 на неговиот тим од Валенсија во последното коло од Примера.
Одличниот Шпанец во 11. минута го постигна водечкиот гол за тимот од Виго, а при славјето некако успеа да се повреди.
И тогаш дојде до брилијантна идеја.
Знаејќи дека има заработено четири жолти картони во првенството, а следниот значи суспензија, Аспас намерно го соблече дресот за да ги „исчисти“ картоните и да ја одработи казната на наредниот натпревар на кој сигурно нема да настапи поради повреда .
