Македонскиот првак Вардар денеска ќе се соочи против ППД Загреб и ќе се обиде да ја прекине серијата од шест порази по ред во елитната ракометна Лига на шампиони (ЛШ).

Вардар против еден од директните конкуренти за место во нокаут-фазата од ЛШ ќе мора да одигра најдобро што знае и да слави ако сака да избегне дополнителен притисок во останатите натпревари.

„Црвено-црните“ ќе напаѓаат во најсилен состав од 20.45 часот во Хрватска, додека ППД Загреб ќе ги пречека без Чаба Лејметер и Филип Ивиќ.

Вардар се наоѓа на шестата позиција со пет бода по девет одиграни меча, односно еден повеќе од седмиот Загреб и два повеќе од Мешков Брест.