Роџерс: Ова е смешно. Во два дена играме со Ливерпул и со Сити

Тренерот на Лестер Сити, Брендан Роџерс, изјави дека е самоубиство тоа што мораат да играат против Ливерпул само 48 часа по натпреварот против Манчестер Сити, со оглед на зголемената листа на повреди во клубот.

Тимот на Роџерс ќе биде домаќин на Ливерпул во вторник по поразот со 3-6 од шампионот Манчестер Сити на Боксинг деј во неделата.

Тогаш Лестер беше без голем број редовни првотимци, и поради повреди и поради болест.

„Распоредот е смешен, сите го знаеме тоа. Играчите не се опоравија целосно 72 часа по натпреварот, па затоа е смешно да се игра во вторник против Ливерпул“, изјави Роџерс во понеделникот.

Морам да ги спасам играчите, така што практично нема да има физички тренинзи, само опоравување“.