Феран Торес треба да биде најзвучното засилување на Барселона во зимскиот преоден рок.

Торес е во Барселона и се уште чека официјално да стане член на каталонскиот гигант. Направил и лекарски прегледи, но нема никаков потпис.

Официјалното претставување на шпанскиот репрезентативец е планирано за вторник, но тоа нема да се случи поради бирократски проблеми.

Манчестер Сити се уште не дава зелено светло за реализација на трансферот, поради што се уште нема потпис.

А по потпишувањето Торес нема да може да биде регистриран бидејќи Барселона мора да продаде еден од играчите или да се договори за ново намалување на платата за да ги исполни условите на Финансискиот фер-плеј.

Барселона на 21-годишниот напаѓач ќе му плати 55 милиони плус 10 милиони евра во случај Каталонците да ја освојат Лигата на шампионите или Торес да дојде до Златната топка.

Поранешниот напаѓач на Валенсија во вторникот наутро беше подложен на лекарски преглед за да покаже дека се опоравил од повредата што ја заработи на натпреварот помеѓу Франција и Шпанија од Лигата на нации.

По увидот се вратил во хотелот каде со часови чекал се да се заврши, но граѓаните решиле да го преиспитаат договорот до милиметар, па како што стојат работите целата работа била одложена.