Карлос Кеирош е новиот селектор на репрезентацијата на Катар, која ќе ја преземе по заминувањето на Феликс Санчез.
Португалскиот фудбалски стручњак Карлос Кеирош е нов селектор на репрезентацијата на Катар, соопшти Фудбалскиот сојуз на Катар.
Кеирош потпиша договор до 2026 година, а на кормилото на Катар ќе го наследи Шпанецот Феликс Санчез, кој го водеше Катар во последните пет години.
Под водство на Санчез, Катар учествуваше на неодамнешното Светско првенство, губејќи ги сите три натпревари во групата со гол разлика 1:7.
Кеирош беше и на СП 2022, но на клупата на Иран, забележа победа против Велс и забележа два порази, од Англија и САД.
Португалецот има богата биографија, а има знаење и искуство во африканскиот и азискиот фудбал. Тој го водеше Иран двапати, од 2011 до 2019 и 2022 година, а беше тренер и на Египет, ЈАР, Обединетите Арапски Емирати, Португалија, Колумбија, Реал Мадрид, Спортинг и Нагоја.
Како селектор, Кеирош учествуваше на четири светски првенства, три пати со Иран и еднаш со Португалија.
